Выступаючы на ўрачыстым сходзе з нагоды 40-годдзя палітыкі рэформаў і адкрытасці, Сі Цзіньпін заявіў, што неабходна непахісна ўсебакова ўмацоўваць і рабіць больш строгім унутрыпартыйнае кіраванне, пастаянна нарошчваць творчы патэнцыял, кансалідуючы сілу і моц партыі. Практыка 40-гадовага правядзення палітыкі рэформаў і адкрытасці паказвае, што для таго, каб каваць жалеза, самому кавалю неабходна быць моцным, як сталь. Неабходныя празорлівасць у падборы таленавітых людзей, шчырасць у клопаце пра іх, смеласць і ўменне прымяніць іх таленты, велікадушнасць, звязаная з талерантнасцю да іх, а таксама цудоўныя ўмовы для іх прыцягнення. Неабходна весці барацьбу з карупцыяй, каб ніхто не мог займацца незаконнай дзейнасцю, нястомнымі намаганнямі дамагчыся ў краіне поўнага спакою, парадку і празрыстасці палітыкі.