Кітайская машынабудаўнічая карпарацыя CRRC заявіла, што скончыла будаўніцтва двух вагонаў метро, якія будуць перададзены амерыканскаму штату Масачусэтс. У кампаніі паведамілі, што гэта першыя два вагоны, сабраныя на іх заводзе у ЗША. Усяго будзе сабрана 404 вагоны метро для гэтага штата.
Першы паўночнаамерыканскі офіс карпарацыі CRRC у штаце Масачусэтс з заводам у горадзе Спрынгфілд наняў на працу 220 мясцовых жыхароў, што робіць іх завод асноўным паўночнаамерыканскім прамысловым цэнтрам зборкі і тэставання ўсіх вагонаў, якія вырабляюцца на кантыненце. Кампанія таксама прапануе мясцовым супрацоўнікам прайсці курсы перападрыхтоўкі і павышэння кваліфікацыі. - Р -