У сувязі з паведамленнем пра бомбу калядны рынак быў эвакуіраваны ў нямецкім горадзе Хайдэ. Інфармацыя пра пагрозу паступіла сёння раніцай па электроннай пошце. Пра гэта паведамляе анлайн-партал Focus са спасылкай на крыніцы ў паліцыі. Паліцыя пачала расследаванне абставінаў адпраўкі паведамлення пра пагрозу.

Паводле даных Focus, за апошнія дні пагрозы пра бомбы неаднаразова паступалі ў праваахоўныя органы зямлі Шлезвіг-Гальштэйн. Паліцыя расследуе магчымасць наяўнасці сувязі паміж рознымі паведамленнямі, адзначаюць мясцовыя СМІ. - Р -