Партыйная група кіраўнікоў ПК УСНП правяла сход, прысвечаны вывучэнню прамоў генеральнага сакратара ЦК КПК Сі Цзіньпіна на тэму палітыкі рэформаў і адкрытасці і эканомікі. На сходзе выступіў з прамовай член ПК Палітбюро ЦК КПК, старшыня ПК УСНП, сакратар партыйнай групы ПК УСНП Лі Чжаньшу.
У апублікаванай па выніках сходу заяве гаворыцца, што прамова Сі Цзіньпіна на ўрачыстым сходзе з нагоды 40-годдзя кітайскай палітыкі рэформаў і адкрытасці -- гэта загад аб мабілізацыі і дэкларацыя аб працягу рэформаў і адкрытасці ў новую эпоху. Заканадаўцам належыць у адпаведнасці з законам выконваць свае абавязкі, каб забяспечыць эфектыўную рэалізацыю асноўных рашэнняў ЦК КПК, якія тычацца палітыкі рэформаў і адкрытасці. У заяве адзначаецца, што заканадаўцы павінны ўзмацніць сваё пачуццё адказнасці і працягваць паляпшэнне сістэмы кітайскіх сацыялістычных законаў, уносячы ўклад ва ўсебаковае паглыбленне рэформаў і пашырэнне адкрытасці.
У заяве таксама падкрэсліваецца, што ў прамове Сі Цзіньпіна на Цэнтральнай нарадзе па эканамічнай рабоце выкладзены базавыя прынцыпы эканамічнага развіцця краіны на будучы год. Заканадаўцы павінны аказаць падтрымку і дапамогу ў выкананні асноўных эканамічных задач будучага года, забяспечыць прававую абарону гэтай дзейнасці. - Р -