Паўднёва-заходні ўніверсітэт у правінцыі Цзянсу заявіў аб пачатку даследавання мабільнай інтэрнэт-сувязі 6G. Для гэтага ва ўніверсітэце стварылі спецыяльную група на чале з прафесарам Ю Сяаху. Паводле яго звестак, даследаванне і распрацоўка накіраваны на правядзенне фундаментальнага даследавання і развіцця мабільнай сувязі 6G на аснове тэхналогій 5G. Гаворка ідзе найперш аб развіцці інтэлектуальнай мабільнай тэлекамунікацыі, масавай бесправадной сувязі, бесправадной сувязі з міліметровай і субміліметровай хвалямі, аптычнай бесправадной сувязі, а таксама шырокапалоснай спадарожнікавай мабільнай тэлекамунікацыі.
У параўнанні з 5G, 6G сувязь абяцае ахопліваць больш шырокія аспекты і быць больш аператыўнай і надзейнай, запэўніў Ю Сяаху. "Яшчэ далёка да ўкаранення 6G тэхналогій у паўсядзённае жыццё. Эксперты мяркуюць, што 6G тэхналогіі могуць быць запушчаны ў камерцыйнае выкарыстанне да 2030 года. Канкурэнцыя за асваенне такіх тэхналогій ужо разгарнулася паміж прадпрыемствамі", -- сказаў прафесар. - Р -