Праект колькаснага мадэлявання Earth System Numerical Simulator будзе рэалізаваны ў пекінскім раёне Міюнь. Пра гэта стала вядома на 5-й сесіі раённага сходу народных прадстаўнікоў 2-га склікання. Работы па стварэнні інфраструктуры праекта стартавалі ў жніўні мінулага года, удакладніў суразмоўца агенцтва «Сіньхуа».
Праект ESNS дазволіць праводзіць колькаснае апісанне і мадэляванне Зямной сістэмы, што дапаможа паглыбіць разуменне законаў развіцця атмасферы, гідрасферы, крыясферы і біясферы, а таксама ўзаемадзеяння паміж імі, распавёў дырэктар Інстытута фізікі атмасферы Акадэміі навук Кітая Чжу Цзян.
Паводле інфармацыі, у раёне Міюнь, размешчаным на поўнач ад цэнтра кітайскай сталіцы, будзе створаны шэраг пляцовак для даследавання экалогіі, навакольнага асяроддзя, змены клімату, а таксама асваення рэсурсаў. - Р -