Прэм'ер Дзяржсавета КНР Лі Кэцян сустрэўся з выканаўчым дырэктарам амерыканскай кампаніі Tesla Іланам Маскам. Павіншаваўшы з пачаткам будаўніцтва завода амерыканскай кампаніі па вытворчасці электрамабіляў у Шанхаі, Лі Кэцян на сустрэчы адзначыў, што Tesla стала першай кампаніяй, якая здабывае выгаду з новай палітыкі, у рамках якой замежным аўтавытворцам на новых крыніцах энергіі дазволена ствараць даччыныя кампаніі са 100-працэнтным капіталам у Кітаі. Ён выказаў спадзяванне, што Tesla стане ўдзельнікам кітайскага працэсу паглыбленых рэформаў і адкрытасці і драйверам стабільнага развіцця кітайска-амерыканскіх адносін.
Лі Кэцян правёў абмен меркаваннямі з І.Маскам па такіх пытаннях, як вытворчасць аўтамабіляў на новых крыніцах энергіі, сумесныя інавацыі і супрацоўніцтва паміж Кітаем і іншымі краінамі ў навукова-тэхнічнай і гуманітарнай сферах. Ён адзначыў, што Кітай з'яўляецца і застанецца на працягу доўгага часу "гарачым" напрамкам для замежных інвестыцый.
І.Маск, у сваю чаргу, паабяцаў ператварыць Шанхайскі завод у адзін з самых перадавых заводаў у свеце, завяршыць лакалізацыю ў мэтах дасягнення ўзаемнай выгады. - Р -