Жонка старшыні КНР Сі Цзіньпіна Пэн Ліюань разам з жонкай прэзідэнта Фінляндыі Саулі Нііністэ Ені Хаукіяй наведалі культурнае мерапрыемства ў кнігарні "Page One" на вуліцы Цяньмэнь.
Прагуляўшыся па кніжнай краме і пазнаёміўшыся з гісторыяй раёна, Пэн Ліюань і Е.Хаукія паслухалі вершы і музыку ў кнігарні. Падчас прадстаўлення кітайскія студэнты, якія вывучаюць фінскую мову прачыталі вершы Е.Хаукіі, адзначаныя рознымі ўзнагародамі. Дзяўчаты, апранутыя ў старадаўнія касцюмы, выканалі традыцыйныя кітайскія вершы пад акампанемент фартэпіяна і традыцыйнага кітайскага інструмента гучжэна. Прадстаўленне скончылася музычным творам Яна Сібеліуса для скрыпкі і фартэпіяна.
Культурная праграма падрыхтавана выкладчыкамі і студэнтамі Пекінскага ўніверсітэта замежных моў і Кітайскай кансерваторыі. - Р -