Член ПК Палітбюро ЦК КПК, прэм'ер Дзяржсавета КНР Лі Кэцян на праведзенай сёння нарадзе па праекце даклада аб рабоце ўрада заявіў, што Кітай зможа за кошт інавацый і ўдасканалення макракантролю захаваць паказчыкі эканамічнага росту ў межах разумных значэнняў, нягледзячы на значныя складанасці, з якімі трэба сутыкнуцца ў 2019 годзе. Ён падкрэсліў, што Кітай ужо навучыўся таму, як падтрымліваць рост эканомікі ў межах разумных значэнняў без выкарыстання магутнай стымулюючай палітыкі, якая магла б аказаць уплыў на эканоміку ў цэлым. За кошт інавацый і ўдасканалення макракантролю Кітай зможа дамагчыся высокага ўзроўню занятасці, устойлівага росту даходаў і паляпшэння экалагічнай сітуацыі.
Лі Кэцян адзначыў, што Кітай будзе надаваць павышаную ўвагу стымуляванню актыўнасці рынкавых структур з дапамогай паглыблення палітыкі рэформаў і адкрытасці, паляпшэння ўмоў вядзення бізнесу і аказання дапамогі прадпрыемствам, асабліва невялікім прадпрыемствам, у значным скарачэнні цяжару, які яны нясуць на сабе. Кітай таксама будзе паскараць фарміраванне новых драйвераў росту і паляпшэнне існуючых фактараў росту за кошт большай падтрымкі стартапаў і інавацый.
На мерапрыемстве прысутнічалі лідары некамуністычных партый Кітая, прадстаўнікі Усекітайскай асацыяцыі прамыслоўцаў і гандляроў і прадстаўнікі беспартыйных. - Р -