Канцлер Германіі Ангела Меркель і прэзідэнт Францыі Эмануэль Макрон сёння ў заходнегерманскім горадзе Ахене падпісалі Дагавор аб супрацоўніцтве і інтэграцыі паміж Германіяй і Францыяй (Ахенскае пагадненне), зрабіўшы акцэнт на супрацоўніцтве дзвюх краін і прасоўванні еўрапейскай інтэграцыі.
Згодна з палажэннямі Ахенскага пагаднення, дзве дзяржавы будуць імкнуцца да эфектыўнай і моцнай агульнай знешняй палітыкі і палітыкі бяспекі, а таксама будуць умацоўваць эканамічны і валютны саюз. Акрамя таго, бакі будуць узмацняць супрацоўніцтва і ўзаемадзеянне ў галіне змены клімату, аховы навакольнага асяроддзя, устойлівага развіцця, адукацыі і ў іншых сферах, умацоўваць антытэрарыстычнае і ваеннае супрацоўніцтва, падтрымліваць стварэнне Еўрапейскай абарончай супольнасці, а таксама аказваць узаемадапамогу пры нападзе на іх.