Дзяржсакратар ЗША Майкл Пампея заявіў у аўторак, што ён з аптымізмам глядзіць на зыход гандлёвых перамоваў паміж ЗША і Кітаем, і дзве краіны могуць "развівацца і квітнець разам".

"Ёсць тыя, хто лічыць, што канфлікт, канфлікт супердзяржаў паміж нашымі краінамі непазбежны. У нас іншы пункт гледжання. Мы хочам знайсці сферы, у якіх мы будзем працаваць разам", - сказаў М. Пампея на Сусветным эканамічным форуме па відэаканферэнцыі.

М. Пампея адмяніў сваю паездку ў Давос з-за "шатдауна" амерыканскага ўрада.

"Я не хачу забягаць наперад абмеркаванняў і перамоў, якія цяпер вядуцца. Нам трэба будзе правесці шмат цяжкай працы", - сказаў ён, адзначыўшы, што поўны спадзяванняў на тое, што кожнае пытанне гандлёвых трэнняў будзе ўрэгулявана канструктыўна.

Вашынгтон у мінулым годзе ўсталяваў высокія тарыфы на мільярды долараў кітайскага імпарту, выклікаўшы меры ў адказ з боку Пекіна.

Бакі ўжо правялі некалькі раўндаў перамоваў, каб урэгуляваць гандлёвыя трэнні.