Прэм'ер-міністр Японіі Сіндза Абэ ў панядзелак выступіў з праграмнай прамовай на пленарным пасяджэнні парламента. Ён заклікаў адкрыць новую эпоху, адказаць на выклікі нізкай нараджальнасці і старэння насельніцтва, а таксама выказаў спадзяванне на выхад японска-кітайскіх адносін на новую вышыню.
Сіндза Абэ адзначыў, што ў мэтах вырашэння праблем нізкай нараджальнасці і старэння насельніцтва Японія правядзе шэраг рэформаў і створыць больш працоўных месцаў для жанчын, старых і інвалідаў, а таксама палепшыць умовы працы.
Калі гаворка зайшла аб унясенні змяненняў у канстытуцыю, Сіндза Абэ адзначыў неабходнасць паглыбленай дыскусіі з удзелам усіх партыйных фракцый парламента.
Паводле яго слоў, у цяперашні час японска-кітайскія адносіны вярнуліся ў нармальнае рэчышча. Ён выказаў спадзяванне на далейшае ўмацаванне кантактаў паміж лідарамі дзвюх краін, паглыбленне абменаў і развіцця адносін ва ўсіх сферах, а таксама на выхад двухбаковых адносін на новы ўзровень.