Член Пастаяннага камітэта Палітбюро ЦК КПК, віцэ-прэм'ер Дзяржсавета КНР Хань Чжэн падкрэсліў важнасць намаганняў па далейшай трансфармацыі ўрадавых функцый. "Варта сканцэнтравацца на тым, каб забяспечыць вырашальную ролю рынку ў размеркаванні рэсурсаў", -- заявіў Хань Чжэн падчас нарады каардынацыйнай групы Дзяржсавета па пытаннях трансфармацыі ўрадавых функцый і паляпшэння дзейнасці ўрада.
Хань Чжэн заклікаў прыкласці намаганні для вырашэння асноўных праблем прадпрыемстваў і насельніцтва, надаць прыярытэт ключавым галінам, паглыбіць рэформы і інавацыйныя метады рэгулявання дзеля ажыўлення рынку, дазволіць людзям адчуць перамены да лепшага і забяспечыць устойлівае, здаровае сацыяльнае і эканамічнае развіццё. Ён адзначыў, што прынятыя ў асобных раёнах краіны спробы рэфармавання механізму зацвярджэння будаўнічых праектаў былі прызнаны паспяховымі, і ў бягучым годзе гэты вопыт будзе распаўсюджаны на ўсю краіну. - Р -