Намеснік пастаяннага прадстаўніка КНР у ААН У Хайтаа ў панядзелак на адкрытым пасяджэнні Савета Бяспекі ААН заклікаў міжнародную супольнасць умацаваць практычнае супрацоўніцтва і сумесна процідзейнічаць пагрозам тэрарызму. Паводле яго слоў, тэрарызм з'яўляецца агульным ворагам чалавецтва, і ніводная краіна не можа змагацца з ім паасобку. Міжнародная супольнасць у сваіх антытэрарыстычных намаганнях павінна выконваць мэты і прынцыпы Статута ААН, паважаць суверэнітэт адпаведных краін і адказнасць антытэрарыстычных органаў дзяржаў-членаў, у поўнай меры выкарыстаць вядучую ролю ААН і СБ, усебакова ператвараць у жыццё адпаведныя рэзалюцыі СБ і Глабальную контртэрарыстычную стратэгію ААН.
У Хайтаа заклікаў працаваць над знішчэннем карэнных прычын тэрарызму. Міжнародная супольнасць павінна дапамагчы дзяржавам-членам ААН ажыццявіць сацыяльна-эканамічнае развіццё, прасунуць палітычнае ўрэгуляванне вострых пытанняў, прыкласці намаганні для будаўніцтва міжнародных адносін новага тыпу, садзейнічаць раўнапраўнаму дыялогу і гарманічнаму суіснаванню розных культур і рэлігій, заявіў ён. Нельга ўвязваць тэрарызм з пэўнымі краінамі, народамі і рэлігіямі, адзначыў дыпламат. Ён падкрэсліў, што варта аказаць дапамогу краінам, якія развіваюцца, умацаваць развіццё здольнасцей дзяржаў-членаў ААН па барацьбе з тэрарызмам. - Р -