Выдаткі Кітая на абарону ў лімітаваным памеры, якія накіраваны на абарону дзяржаўнага суверэнітэту, бяспекі і тэрытарыяльнай цэласнасці, не прадстаўляюць ніякай пагрозы для іншых краін, заявіў у панядзелак афіцыйны прадстаўнік другой сесіі УСНП 13-га склікання Чжан Есуй.

"Кітай няўхільна ідзе па шляху мірнага развіцця і вядзе абаронную палітыку абарончага характару", - адзначыў Чжан Есуй на прэс-канферэнцыі.

"Пытанне аб тым, ці з'яўляецца краіна ваеннай пагрозай для іншых ці не, вызначаецца не павелічэннем выдаткаў на абарону, а знешняй палітыкай і палітыкай у галіне нацыянальнай абароны, якія яна прымае", - указаў Чжан Есуй.

Ён нагадаў, што з 2016 года Кітай захаваў адназначныя тэмпы росту бюджэтных выдаткаў на абарону, скончыўшы з двухзначнымі тэмпамі росту, якія доўжыліся пяць гадоў запар.

Згодна з паведамленнем, тэмпы росту бюджэтных выдаткаў на абарону Кітая ў 2016 годзе складалі 7,6 прац., у 2017 годзе - 7 прац., у 2018 годзе - 8,1 прац.

У 2018 годзе доля расходаў на абарону склала 1,3 прац. ад ВУП Кітая, у той жа час як у некаторых вядучых развітых краінах дадзеныя суадносіны перавысілі 2 прац., адзначыў Чжан Есуй.

"Кітай захавае рацыянальны і ўмераны рост абаронных выдаткаў, каб задавальняць патрэбнасці ў сферы абароны дзяржаўнай бяспекі і правядзення ваенных рэформаў з кітайскай спецыфікай", - сказаў афіцыйны прадстаўнік сесіі УСНП.