5 сакавіка ў Пекіне адкрылася 2-я сесія УСНП 13-га склікання. Выступаючы з дакладам аб рабоце ўрада на сесіі, прэм'ер Дзяржсавета КНР Лі Кэцян заявіў: «Нарошчваць дынаміку прыцягнення замежных інвестыцый. Адбудзецца далейшае пашырэнне доступу замежных інвестыцый на кітайскі рынак, будзе скарачацца «негатыўны спіс», пашырыцца доступ прадпрыемстваў на выключна замежным капітале ў яшчэ большую колькасць галін. Неабходна ажыццяўляць палітычныя меры па паглыбленні рэформаў і пашырэнні адкрытасці фінансавага і іншых сектараў, удасканальваць палітыку па пашырэнні адкрытасці аблігацыйнага рынку. Паскараць стыкоўку з агульнапрынятымі міжнароднымі правіламі ў гандлёва-эканамічнай сферы, павышаць празрыстасць палітычных установак і забяспечваць адзінства іх рэалізацыі, ствараючы такім чынам справядлівае рынкавае асяроддзе для айчынных і замежных прадпрыемстваў, якія будуць працаваць на роўных умовах і ва ўмовах сумленнай канкурэнцыі. Пры гэтым варта ўзмацніць абарону законных правоў і інтарэсаў замежных прадпрымальнікаў. Мяркуецца выдзеліць Шанхайскай пілотнай зоне свабоднага гандлю дадатковую тэрыторыю, прасоўваць працу па стварэнні Хайнаньскай пілотнай зоны свабоднага гандлю. Інвестыцыйнае асяроддзе ў Кітаі нязменна з кожным днём будзе паляпшацца, і замежныя прадпрыемствы абавязкова атрымаюць яшчэ больш магчымасцей для развіцця».