Кітайскі ўрад зробіць свае інвестыцыі ў інфраструктуру больш мэтанакіраванымі, заявіў у сераду кіраўнік Дзяржаўнага камітэта па справах развіцця і рэформаў КНР Хэ Ліфэн.

Выступаючы на прэс-канферэнцыі на палях штогадовай сесіі Усекітайскага сходу народных прадстаўнікоў, ён сказаў, што прымаюцца меры для прадухілення ўзнікнення новых даўгоў і незавершаных праектаў з выкарыстаннем інвестыцый урадаў усіх узроўняў.

Хэ Ліфэн падкрэсліў, што паток інвестыцый без канкрэтнай мэты не з'яўляецца ні неабходным, ні магчымым.

Фінансаванне будзе накіравана на падтрымку новых аб'ектаў або тых, што будуюцца, якія адпавядаюць агульным эканамічным і сацыяльным патрэбам, канстатаваў ён.