Кітай прыме шэраг мер па забеспячэнні стабільнага росту гандлю у 2019 годзе
  2019-03-09 17:06:39  cri  [  Паслаць сябру ] [  Раздрукаваць ]    [ шрыфт : A A A ]  

Кітай прыме шэраг мер для забеспячэння стабільнага росту гандлю у 2019 годзе, заявіў міністр камерцыі КНР Чжун Шань у суботу на прэс-канферэнцыі ў рамках штогадовай сесіі УСНП 13-га склікання.

Мінкамерцыі мае намер ажыццявіць цэлы шэраг палітык і мер па спрашчэнні працэдур гандлю ў галіне страхавання экспартных крэдытаў, фінансавання і іншых сферах з мэтай зніжэння цяжару і павышэння эфектыўнасці знешнегандлёвых кампаній, паведаміў ён.

Будуць таксама актывізаваны намаганні па паляпшэнні бізнес-асяроддзя для ўмацавання даверу прадпрыемстваў, дадаў ён.

Па словах міністра, Кітай будзе садзейнічаць міжнароднаму супрацоўніцтву ў рамках ініцыятывы "Пояс і шлях", а таксама ўмацоўваць традыцыйныя і асвойваць новыя гандлёвыя рынкі.

"У цэлым, гандаль Кітая велізарны ў плане маштабу, але недастаткова канкурэнтаздольны", - адзначыў Чжун Шань, дадаўшы, што міністэрства будзе заахвочваць экспарт высокатэхналагічнай і высакаякаснай прадукцыі, а таксама прадукцыі з высокім дабаўленым коштам.

Міністэрства прыкладзе актыўныя намаганні па пашырэнні імпарту і паляпшэнні яго структуры для задавальнення ўнутранага попыту.

Міністэрства будзе падтрымліваць тэхналагічныя, інстытуцыйныя і кіраўніцкія інавацыі на прадпрыемствах, каб павысіць іх рынкавую канкурэнтаздольнасць і стымуляваць развіццё новых гандлёвых прадпрыемстваў і мадэляў, адзначыў Чжун Шань. -0-

каменціраваць
Міністэрства абароны Кітая правяло ўрачысты прыём з нагоды 92-й гадавіны НВАК
фотаздымкі
© China Radio International.CRI. All Rights Reserved.
16A Shijingshan Road, Beijing, China. 100040