Кітайскія кіраўнікі ў суботу на штогадовай сесіі УСНП падкрэслілі важнасць рэформаў, заканадаўчай работы і ліквідацыі беднасці.

Члены Пастаяннага камітэта Палітбюро ЦК КПК Лі Кэцян, Лі Чжаньшу і Чжаа Лэцзі выказаліся пра гэта падчас удзелу ў дыскусіях дэпутатаў УСНП. Прэм'ер Дзяржсавета КНР Лі Кэцян заклікаў паглыбіць палітыку рэформаў і адкрытасці, палепшыць камерцыйнае асяроддзе, раскрыць жыццяздольнасць дзяржаўных і прыватных прадпрыемстваў, а таксама ўмацаваць рэальны сектар эканомікі, каб забяспечыць стабільнае і здаровае развіццё народнай гаспадаркі.

Старшыня Пастаяннага камітэта УСНП Лі Чжаньшу заклікаў удасканальваць заканадаўчую працу ў мэтах ажыццяўлення высакаякаснага развіцця краіны. Ён падкрэсліў, што заканатворчая дзейнасць павінна ўносіць яшчэ большы ўклад у сацыяльна-эканамічнае развіццё і садзейнічаць дасягненню галоўных мэтаў рэформаў.

Сакратар Цэнтральнай камісіі КПК па праверцы дысцыпліны Чжаа Лэцзі адзначыў, што дысцыплінарным і наглядным органам неабходна зрабіць больш жорсткай барацьбу з карупцыяй і непрыстойнымі дзеяннямі ў рабоце па ліквідацыі беднасці.