Федэральнае кіраванне грамадзянскай авіяцыі ЗША ў сераду распарадзілася прыпыніць выкарыстанне Boeing 737 MAX амерыканскімі перавозчыкамі і іх палёты на тэрыторыі Злучаных Штатаў.
Прэзідэнт ЗША Дональд Трамп 13 сакавіка заявіў, што дасць указанне прыпыніць палёты самалётаў Boeing 737 MAX 8 і MAX 9. Пасля гэтага ФУГА апублікавала адпаведную заяву.
Рашэнне ведамства грунтуецца на новосабраных доказах і "удакладненых даных са спадарожнікаў". Дадзенае распараджэнне будзе дзейнічаць на час расследавання авіякатастрофы Ethiopian Airlines.
Амерыканская карпарацыя Boeing ў сераду заявіла, што захоўвае "поўную ўпэўненасць" у бяспецы сваіх самалётаў. Тым не менш пасля кансультацый з ФУГА кампанія рэкамендавала часова спыніць усе палёты мадэлі 737 MAX.
Нагадаем, што 10 сакавіка самалёт Boeing 737 Max 8 кампаніі Ethiopian Airlines пацярпеў крушэнне, якое стала другой катастрофай з удзелам самалёта дадзенай мадэлі менш чым за шэсць месяцаў. Пасля гэтага перавозчыкі шэрагу краін прынялі абмежавальныя меры ў дачыненні да падобных авіялайнераў, уключаючы прыпыненне палётаў.