Кітай мае намер сёлета ажыццявіць больш маштабнае зніжэнне падатковых плацяжоў і грашовых збораў у якасці ключавой контрмеры супраць прэсінгу, абумоўленага сыходнай тэндэнцыяй эканамічнага росту, заявіў у пятніцу прэм'ер Дзяржсавета КНР Лі Кэцян.

Чакаецца, што гэты крок прынясе прадпрыемствам дывідэнды ў памеры каля 2 трлн юаняў / каля 297 млрд долараў/, сказаў кітайскі прэм'ер на прэс-канферэнцыі пасля заканчэння 2-й сесіі УСНП 13-га склікання.

"Мы плануем істотна знізіць стаўкі падатку на дадазеную вартасць для апрацоўчай прамысловасці і іншых базавых сектараў, а таксама для сярэдняга і малога бізнэсу, найбуйнейшага пастаўшчыка працоўных месцаў у нашай краіне", - канстатаваў ён.

"Гэта створыць больш спрыяльныя ўмовы для прадпрыемстваў, і фактычна будзе спрыяць развіццю падатковых крыніц", - дадаў ён.

Адзначыўшы, што рэформа патрабуе выключнай мужнасці і рашучасці, Лі Кэцян падкрэсліў, што ўрад павінен жыць ва ўмовах абмежаванага бюджэту ў сувязі са скарачэннем падатковых паступленняў.