Прэзідэнт Украіны Пётр Парашэнка 18 сакавіка прыняў удзел у нарадзе па пытаннях развіцця атамнай энергетыкі, назваўшы прыярытэтныя задачы, якія варта выканаць у гэтай сферы для ўзмацнення энергетычнай незалежнасці краіны. Пра гэта паведаміла прэс-служба кіраўніка ўкраінскай дзяржавы.
На думку П. Парашэнкі, Украіне неабходна пабудаваць завод па вырабе ядзернага паліва, каб забяспечваць ім свае АЭС, а да дасягнення пастаўленай мэты працягваць намаганні па дыверсіфікацыі крыніц імпарту гэтага энергарэсурсу.
Яшчэ адной важнай задачай прэзідэнт Украіны назваў завяршэнне будаўніцтва Цэнтральнага сховішча адпрацаванага ядзернага паліва, пачатага ў 2017 годзе ў Чарнобыльскай зоне.
У цяперашні час ва Украіне дзейнічае чатыры АЭС з 15 энергаблокамі. Яны забяспечваюць прыкладна 50 прац. патрэбаў краіны ў электраэнергіі.