У другі тур прэзідэнцкіх выбараў ва Украіне выходзяць шоўмэн Уладзімір Зяленскі і дзейсны кіраўнік дзяржавы Пётр Парашэнка, паведаміла агенцтва "Укрінфарм", спасылаючыся на вынікі Нацыянальнага экзітпола па стане на 18:00 па кіеўскім часе.

Паводле апытання, праведзенага фондам "Дэмакратычныя ініцыятывы" імя І. Кучэрыва, падчас галасавання У. Зяленскі набраў 30,4% галасоў, а П. Парашэнка -- 17,8%. За двума лідарамі прэзідэнцкай гонкі ідуць кіраўнік апазіцыйнай партыі "Бацькаўшчына" Юлія Цімашэнка, кандыдат ад палітсілы "Апазіцыйная платформа -- за жыццё" Юрый Бойка і экс-міністр абароны Анатоль Грыцэнка. - Р -