Японія першага красавіка абвясціла назву новай эры. Яна стане называцца "Рэйва", што азначае прыкладна "Парадак і згода". Пад такім дэвізам-нэнга будзе кіраваць новы імператар Японіі, 248-ы па ліку. Ім стане наследны прынц Нарухіта, які ўступіць на пасад першага траўня апоўдні па такійскім часе. Дзеючы імператар Акіхіта адрокся ад пасаду, такое ў Японіі адбываецца ўпершыню за апошнія 200 гадоў.

Праўленню кожнага імператара ў Японіі адпавядае свой дэвіз. Нароўні з еўрапейскім летазлічэннем у Японіі існуе ўласнае, якое адлічваецца па гадах праўлення імператара. Напрыклад, зараз ідзе 31-ы год эры "Хэйсэй" ("Усталяванне міру"). - Р -