Кіраўнік праўлення найбуйнейшай украінскай энергетычнай дзяржкампаніі "Нафтагаз" Андрэй Кобалеў сустрэўся з прэзідэнтам Кітайскай карпарацыі экспартна-крэдытнага страхавання Sinosure Ван Цінкэ. Бакі абмеркавалі перспектывы супрацоўніцтва дзвюх кампаній. Пра гэта сёння паведаміла прэс-служба "Нафтагаза".

У пачатку красавіка стала вядома, што "Нафтагаз" атрымае ад Sinosure страхавую квоту на 1 млрд долараў для развіцця нафтагазавай галіны Украіны. Сродкі, прыцягнутыя пад гэту квоту, будуць накіраваны на закупку ў Кітаі свідравога абсталявання і рэалізацыю іншых праектаў. - Р -