Старшыня КНР Сі Цзіньпін заклікаў міжнародную супольнасць умацаваць узаемадзеянне па барацьбе з глабальнымі зменамі клімату, выступаючы 28 красавіка на цырымоніі адкрыцця Міжнароднай садова-паркавай ЭКСПА ў Пекіне.
«Толькі сумесна мы зможам супрацьстаяць глабальнай змене клімату, стварыць зялёны свет», - адзначыў кіраўнік кітайскай дзяржавы. Ён нагадаў, што на высокім форуме ініцыятывы «Аднаго пояса, аднаго шляху», які напярэдадні завяршыўся ў Пекіне, быў дасягнуты кансэнсус па актывізацыі прыродаахоўнага ўзаемадзеяння ў рамках ініцыятывы.
У апублікаваным 22 красавіка дакладзе пра перспектывы развіцця кітайскай інтэграцыйнай ініцыятывы «Аднаго пояса, аднаго шляху» пазначана, што «развіццё супрацоўніцтва па энергазберажэнні і скарачэнні эмісіяў, сумесны адказ на глабальныя змены клімату». Для гэтага прапануецца «распрацаваць і ўкараніць палітыку па падтрымцы супрацоўніцтва ў сферы аховы навакольнага асяроддзя, аб'яднаць намаганні па абароне і аднаўленні экасістэм».