У Кіеве адбылося ўрачыстае пасяджэнне Вярхоўнай Рады, на якім новаабраны прэзідэнт Украіны Уладзімір Зяленскі прыняў прысягу ў якасці кіраўніка дзяржавы. Пра гэта паведаміла прэс-служба парламента.
Паводле даных агенцтва "Інтэрфакс-Украіна", у сваім звароце да ўкраінскага народу, прамоўленым з трыбуны Вярхоўнай Рады, У. Зяленскі сказаў, што яго першачарговай задачай на прэзідэнцкай пасадзе стане спыненне агню ў Данбасе.
Ён таксама заявіў аб роспуску парламента і прапанаваў ураду падаць у адстаўку.
На цырымоніі інаўгурацыі прысутнічалі былыя прэзідэнты Украіны, прэм'ер-міністр, члены кабінета міністраў, народныя дэпутаты, кіраўніка Канстытуцыйнага суда і Цэнтральнай выбарчай камісіі, прадстаўнікі духавенства і замежныя госці. У ліку апошніх былі прэзідэнт Грузіі Саламэ Зурабішвілі, прэзідэнт Эстоніі Керсці Кальюлайд, прэзідэнт Латвіі Райманд Вейёніс, прэзідэнт Літвы Даля Грыбаўскайтэ і прэзідэнт Венгрыі Янаш Адэр. Кітайскую дэлегацыю ўзначаліў пасол КНР ва Украіне Ду Вэй.
21 красавіка В. Зяленскі быў абраны шостым прэзідэнтам Украіны. Тэрмін паўнамоцтваў кіраўніка ўкраінскай дзяржавы складае пяць гадоў.