Рэдкая белая вялікая панда была заўважана камерамі ў нацыянальным прыродным запаведніку "Валун" у прав. Сычуань (паўднёва-заходні Кітай), паведамілі ў суботу прадстаўнікі адміністрацыі запаведніка.
Паводле паведамлення, панда трапіла ў аб'ектыў інфрачырвонай камеры, усталяванай на вышыні каля 2000 метраў над узроўнем мора ў дзікай прыродзе, у сярэдзіне красавіка.
Панда без плям на целе і з чырвонымі вачыма была адлюстарвана, перасякаючай лес.
"Мяркуючы па фатаграфіях, гэта панда-альбінос, і ёй ад аднаго да двух гадоў", - сказаў даследчык з Пекінскага ўніверсітэта, спецыяліст па мядзведзях Лі Шэн.
"Панда выглядае моцнай і перасоўваецца ўпэўнена, што з'яўляецца прыкметай таго, што генетычная мутацыя зусім не перашкаджае яе жыццю", - адзначыў Лі Шэн, дадаўшы, што наяўныя даныя не дазваляюць вызначыць пол жывёлы.
Альбінізм з'яўляецца мутацыяй рэцэсіўнага гена. Дзіцяня-альбінос можа з'явіцца толькі ў выпадку, калі абодва бацькі-панды нясуць такі ген.
У мэтах лепшай аховы экасістэмы нацыянальны прыродны запаведнік "Валун" выкарыстоўвае інфрачырвоныя камеры для назірання за распаўсюджваннем і дзейнасцю дзікіх жывёл у сямі дэманстрацыйных зонах.