Павелічэнне мытных збораў не садзейнічала эканамічнаму росту ЗША, а наадварот нанесла яму сур'ёзную шкоду, гаворыцца ў Белай кнізе "Пазіцыя Кітая на кітайска-амерыканскіх гандлёва-эканамічных кансультацыях», апублікаванай 2 чэрвеня.

Сярод негатыўных наступстваў называюць павелічэнне вытворчага сабекошту амерыканскай прадукцыі, павышэнне коштаў на тавары ўнутры ЗША, адмоўны ўплыў на эканамічны рост і ўзровень жыцця насельніцтва, перашкода экспарту амерыканскіх тавараў у Кітай. Паводле звестак даклада Амерыканскай гандлёвай палаты, калі Вашынгтон увядзе 25-працэнтны тарыф на ўсе кітайскія тавары, у найбліжэйшыя 10 гадоў ВУП ЗША скароціцца сумарна на 1 трыльён долараў.