Кітай спадзяецца на вырашэнне праблем шляхам перамоваў, а не тарыфных мер, аднак ніколі не пойдзе на кампраміс у прынцыповых пытаннях. Пункт гледжання растлумачаны ў апублікаванай урадам КНР Белай кнізе "Пазіцыя Кітая на кітайска-амерыканскіх гандлёва-эканамічных кансультацыях".

Кітайскі бок падкрэсліў: нельга рабіць стаўку на вырашэнне ўсіх праблем з дапамогай аднаго дакумента; неабходна, каб пагадненні адпавядалі патрэбам абодвух бакоў і адлюстроўвалі баланс інтарэсаў.

Аўтары Белай кнігі адзначаюць: кітайскі бок рашуча выступае супраць плана Злучаных Штатаў па павышэнні тарыфаў на кітайскія тавары. Пекін будзе вымушаны адрэагаваць, каб абараніць свае законныя правы. У мэтах абароны інтарэсаў народаў Кітая і ЗША, і нават усяго свету, Кітай будзе падыходзіць да пытання рацыянальна. Аднак у Пекіне не баяцца ціску і гатовыя адказаць на любыя выклікі. "Калі перамовы -- дзверы адчыненыя; калі вайна - будзем змагацца да пераможнага канца", - гаворыцца ў дакуменце.