Кітай і ААН ствараюць у Ханчжоу НДІ вялікіх даных
  2019-06-04 10:53:47  cri  [  Паслаць сябру ] [  Раздрукаваць ]    [ шрыфт : A A A ]  

Урад КНР і ААН сёння абвясцілі аб сумесным стварэнні ў горадзе Ханчжоу / правінцыя Чжэцзян, Усходні Кітай / навукова-даследчага інстытута вялікіх даных.

Мемарандум аб стварэнні першага ў гісторыі НДІ вялікіх даных, які ААН засноўвае сумесна з асобнай краінай, быў падпісаны старшынёй Дзяржаўнага статыстычнага ўпраўлення КНР Нін Цзічжэ і намеснікам генеральнага сакратара ААН па эканамічных і сацыяльных пытаннях Лю Чжэньмінем.

Горад Ханчжоу з'яўляецца лідарам Кітая ў даследаванні і ўжыванні вялікіх даных, тут знаходзяцца розныя перадавыя кампаніі дадзенай галіны.

Лю Чжэньмінь адзначыў, што вялікія даныя гуляюць важную ролю ў рэалізацыі Парадку дня ААН у галіне ўстойлівага развіцця ў перыяд да 2030 года, у прыватнасці дапамагаючы краінам, якія развіваюцца, якія не маюць дастатковага патэнцыялу для развіцця гэтай галіны, удзельнічаць у інавацыях глабальных даных.

Па словах Лю Чжэньміня, НДІ ў Ханчжоу будзе праводзіць міжнародныя навучальныя курсы па выкарыстанні вялікіх даных для краін, якія развіваюцца.

Нін Цзічжэ адзначыў, што стварэнне НДІ - новы вынік працы Мэтавага фонду Кітая і ААН па развіцці статыстычных магчымасцяў. Дадзены фонд фінансуе ўдзел дырэктараў статыстычных бюро з больш чым 40 найменш развітых краін і краін, якія развіваюцца, у Сусветным форуме ААН па выкарыстанні даных, прасоўвае ў гэтых краінах профільныя інавацыі і павялічвае іх статыстычныя магчымасці.

каменціраваць
Міністэрства абароны Кітая правяло ўрачысты прыём з нагоды 92-й гадавіны НВАК
фотаздымкі
© China Radio International.CRI. All Rights Reserved.
16A Shijingshan Road, Beijing, China. 100040