Кітай стаў найбуйнейшай краінай у Азіі па колькасці замежных студэнтаў, што тут навучаюцца, пры гэтым іх колькасць стабілізуецца, узровень кваліфікацыі павышаецца, размеркаванне па дысцыплінах становіцца больш заканамерным. У 2018 годзе на навучанне ў Кітай прыехалі 492,2 тыс. студэнтаў са 196 краін і раёнаў, у тым ліку 260,6 тыс. студэнтаў з краін уздоўж "Пояса і шляху", што складае 52,95 працэнтаў. Пра гэта паведамілі сёння ў міністэрстве адукацыі КНР.
У апошнія гады ўсё больш замежных студэнтаў імкнуцца атрымаць акадэмічную адукацыю, доля студэнтаў-дыпломнікаў і аспірантаў расце. У 2018 годзе на навучанне ў Кітай прыехалі 258,1 тыс. студэнтаў-дыпломнікаў, што складае 52,44% і больш за паказчык 2017 года на 6,86 %; колькасць аспірантаў дасягнула 85 тыс. чалавек, то бок павялічылася ў параўнанні з 2017 годам на 12,28 працэнта. Адначасова аптымізуецца структура навуковай спецыялізацыі замежных студэнтаў: больш чым на 20 працэнтаў вырасла колькасць студэнтаў з замежных краін, якія вывучаюць тэхналагічныя, кіраўніцкія, натуральныя, мастацкія і аграрныя дысцыпліны. Кітайская прыродазнаўчая адукацыя становіцца ўсё больш прывабнай.
Акрамя таго, выразна выяўляецца эфект рычага, які здзяйсняюць стыпендыі кітайскага ўрада. У 2018 годзе ў краіне навучалася 63 тыс. стыпендыятаў урада КНР са 182 краін. Прывабнасць дадзеных стыпендый для высокакваліфікаваных спецыялістаў бесперапынна расце, дзякуючы чаму павышаецца ўзровень і якасць замежных кадраў, якія навучаюцца ў Кітаі.