Кітай і Расея ўсталявалі прыклад адносін буйных краін
  2019-06-06 16:12:54  cri  [  Паслаць сябру ] [  Раздрукаваць ]    [ шрыфт : A A A ]  

Праз тыдзень пасля свайго абрання на пасаду старшыні КНР у 2013 годзе Сі Цзіньпін накіраваўся ў Расію з першым замежным візітам у якасці кіраўніка дзяржавы.

За апошнія шэсць гадоў Сі Цзіньпін і яго расійскі калега Уладзімір Пуцін сустракаліся каля 30 разоў. Такія частыя сустрэчы кіраўнікоў дзвюх дзяржаў рэдкія ў міжнароднай дыпламатыі.

У сераду Сі Цзіньпін зноў адправіўся ў Расію з дзяржаўным візітам, які мае ўнікальнае значэнне, улічваючы той факт, што ў бягучым годзе краіны адзначаюць 70-годдзе з моманту ўстанаўлення дыпламатычных адносін, і свет сутыкаецца з растучым узроўнем нявызначанасці.

"70 гадоў праз кітайска-расійскія ўсебаковыя адносіны стратэгічнага ўзаемадзеяння і партнёрства дасягнулі беспрэцэдэнтнага ўзроўню развіцця", -- сказаў Сі Цзіньпін у інтэрв'ю расійскім СМІ напярэдадні свайго візіту.

Па словах Сі Цзіньпіна, кітайска-расійскія сувязі на працягу 70 гадоў трансфармаваліся ў адносіны вядучых дзяржаў, якія характарызуюцца высокай ступенню ўзаемнага даверу і найвышэйшым узроўнем каардынацыі, маюць высокую стратэгічную каштоўнасць.

Узаемнае давер з'яўляецца трывалай асновай для развіцця двухбаковых сувязяў. Гэта адразу становіцца прыкметным у плённай і маляўнічай дыпламатыі кіраўнікоў дзяржаў, якая з'яўляецца стратэгічным компасам для кітайска-расійскіх адносін.

Адначасова з гэтым паміж двума народамі паглыбляецца ўзаемны давер. У апошнія гады абедзве краіны сумесна працуюць над стымуляваннем абменаў паміж людзьмі праз такія праграмы, як сумеснае стварэнне ўніверсітэта, правядзенне семінараў для СМІ і мазгавых цэнтраў, а таксама правядзенне мерапрыемстваў, прысвечаных Году турызму. 

У выніку гэтага народы дзвюх краін лепш пазнаюць адно аднаго, іх сяброўства мацнее, даючы двухбаковаму практычнаму супрацоўніцтву, асабліва ў эканамічнай і гандлёвай сферах, больш трывалую грамадскую падтрымку.

Тавараабарот паміж дзвюма краінамі летась дасягнуў рэкорднага ўзроўню - больш за 100 млрд долараў ЗША. Імкліва развіваецца супрацоўніцтва ў галінах электроннага гандлю, тэхналогій, фінансаў і сельскай гаспадаркі.

Акрамя таго, у дзвюх краінах назіраецца ўстойлівы прагрэс у рэалізацыі буйных стратэгічных праектаў у такіх галінах, як энергетыка, авіякасмічная галіна і ўзаемазвязанасць. Так, у кастрычніку чакаецца завяршэнне будаўніцтва першага трансгранічнага аўтадарожнага моста.

Абедзве краіны таксама ажыццявілі спалучэнне ініцыятывы "Пояс і шлях", высунутай Кітаем, і Еўразійскага эканамічнага саюза, у якім вядучую ролю адыгрывае Расія. Бакі рашуча падтрымліваюць адзін аднаго па пытаннях, якія закранаюць іх ключавыя інтарэсы.

Будучы вядучымі краінамі на сусветнай арэне, Пекін і Масква вывелі галіны, у якіх яны імкнуцца да лепшай каардынацыі, за межы двухбаковага вымярэння.

Краіны ў рамках шматбаковых пляцовак, такіх як ААН, G20, БРІКС і ШАС, прыкладаюць узгодненыя намаганні для вырашэння найбольш вострых сусветных праблем -- змяненне клімату, тэрарызм, Ядзерная праблема Ірана, ядзерная праблема Карэйскага паўвострава і сірыйскі крызіс.

На фоне глыбокіх беспрэцэдэнтных зменаў у свеце ўстойлівыя кітайска-расійскія адносіны маюць высокую стратэгічную каштоўнасць для абедзвюх краін і з'яўляюцца стаўпом глабальнай стабільнасці.

Ва ўмовах узрастаючага ўзроўню пратэкцыянізму, унілатэралізму і эканамічнага шавінізму глабальнае эканамічнае аднаўленне знаходзіцца пад сур'ёзнай пагрозай, шматбаковая гандлёвая сістэма падвяргаецца нападкам, а існуючы міжнародны парадак падвяргаецца аспрэчванню.

Пекін і Масква аб'ядналі свае намаганні для падтрымкі міжнароднай сістэмы, у якой ААН адыгрывае цэнтральную ролю. Яны таксама абавязаліся абараняць нормы і прынцыпы, шырока прызнаныя ў міжнароднай супольнасці, і заклікалі да будаўніцтва шматпалярнага свету і дэмакратызацыі міжнародных адносін.

У сённяшнім свеце кітайска-расійскія адносіны могуць натхніць іншыя буйныя краіны свету ў гэтую новую эпоху растучай узаемазалежнасці.

каменціраваць
Міністэрства абароны Кітая правяло ўрачысты прыём з нагоды 92-й гадавіны НВАК
фотаздымкі
© China Radio International.CRI. All Rights Reserved.
16A Shijingshan Road, Beijing, China. 100040