Кітайскі вытворца тэлекамунікацыйнага абсталявання "Хуавэй" заявіў сёння, што карпарацыя заключыла ўжо 46 камерцыйных кантрактаў на стварэнне мабільных сетак стандарту 5G у 30 краінах свету.
Карпарацыя ўжо паставіла больш за 100 тыс. базавых станцый стандарту 5G, стаўшы першай у свеце па гэтым паказчыку.
"Хуавэй" заявіла, што цалкам гатовая да камерцыйнага выкарыстання сетак 5G у Кітаі. У лютым мінулага года менавіта ў Кітаі быў зроблены першы ў свеце званок праз сеткі 5G і выпушчана першая канчатковая прылада гэтага стандарту.
Прыватная карпарацыя "Хуавэй", штаб-кватэра якой размяшчаецца ў Шэньчжэне на поўдні Кітая, - вядучы сусветны пастаўшчык тэлекамунікацыйных рашэнняў і адзін з найбуйнейшых у свеце вытворцаў смартфонаў.
Міністэрства прамысловасці і інфарматызацыі КНР у чацвер выдала ліцэнзіі на камерцыйную эксплуатацыю сетак стандарту 5G тэлерадыёвяшчальнай кампаніі China Broadcasting Network, а таксама тром найбуйнейшым аператарам сувязі: China Telecom, China Mobile і China Unicom.