Палепшыць каардынацыю адносін паміж развіццём штучнага інтэлекту і яго кіраваннем, забяспечыць бяспеку яго прымянення, павышаць агульны дабрабыт чалавецтва, садзейнічаць устойліваму сацыяльна-эканамічнаму і экалагічнаму развіццю і стварэнню супольнасці адзінага лёсу чалавецтва - такія задачы будуць вырашацца ў адпаведнасці з Правіламі кіравання штучным інтэлектам новага пакалення. Звод нарматываў апублікаваны 17 чэрвеня Нацыянальным камітэтам КНР па кіраванні штучным інтэлектам новага пакалення. Дакумент будзе садзейнічаць вывучэнню адпаведных законаў, этычных і сацыяльных праблем, звязаных са штучным інтэлектам, паляпшэнню глабальнага кіравання гэтай сферай, патлумачыла дырэктар камітэта Сюе Лань. Член арганізацыі Цзэн І дадаў, што ў параўнанні з правіламі, распрацаванымі іншымі краінамі ў гэтай галіне, у кітайскіх надаецца павышаная ўвага міжнароднаму ўзаемадзеянню, гэта значыць гэтыя Правілы можна разгледзець як ініцыятыву і абяцанні Кітая для ўсяго свету ў галіне развіцця штучнага інтэлекту.