Старшыня КНР Сі Цзіньпін накіраваў віншавальны ліст на адрас Сусветнай канферэнцыі па развіцці аўтамабіляў на новых крыніцах энергіі, якая адкрылася ў аўторак у Бааа правінцыі Хайнань.
Сі Цзіньпін адзначыў, што ва ўмовах навукова-тэхнічнай рэвалюцыі і прамысловай трансфармацыі індустрыя аўтамабіляў на новых крыніцах энергіі падымаецца на новую прыступку паскоранага развіцця. Яна не толькі надае новы магутны імпульс эканамічнаму развіццю розных краін, але і дапамагае скараціць выкіды парніковых газаў, рэагаваць на кліматычныя змены і паляпшаць глабальнае экалагічнае асяроддзе.
Сі Цзіньпін падкрэсліў, што Кітай няўхільна ідзе па шляху нізкавугляроднага развіцця. Кітай гатовы працаваць разам з міжнароднай супольнасцю над паскораным прасоўваннем навукова-тэхнічных інавацый і развіццём адпаведных галін у галіне аўтамабіляў на новых крыніцах энергіі, а таксама ўносіць яшчэ большы ўклад у стварэнне чыстага і цудоўнага свету. - Р -