У Баку на 43-й сесіі Камітэта Сусветнай спадчыны ЮНЕСКА прынята рашэнне аб уключэнні ў спіс Сусветнай спадчыны арэалаў пражывання пералётных птушак уздоўж узбярэжжа Жоўтага мора і Бахайскага заліва ў Кітаі. Гэта цэнтральны ўчастак міграцыйнага маршруту Усходняя Азія–Аўстралія, які знаходзіцца ў найбольшай небяспецы з усіх міграцыйных маршрутаў свету і ўключае самую вялікую колькасць знікаючых відаў жывёл. Арэалы адрозніваюцца высокай ступенню біяразнастайнасці: тут жыве каля 280 відаў рыб і больш за 500 відаў беспазваночных, што стварае багатую кармавую базу для мільёнаў пералётных птушак.

Такое рашэнне было аднагалосна падтрымана ўсімі членамі Камітэта. Пастаянны прадстаўнік КНР у ЮНЕСКА Шэнь Ян адзначыў, што гэта азначае прыхільнасць Кітая да захавання сусветнай прыроднай спадчыны. Ён выказаў спадзяванне, што астатнія ахоўныя зоны міграцыйнага маршруту Усходняя Азія–Аўстралія таксама будуць уключаны ў спіс Сусветнай спадчыны ЮНЕСКА. - Р -