44-я сесія Камітэта Сусветнай спадчыны ЮНЕСКА пройдзе ў кітайскім горадзе Фучжоу ў правінцыі Фуцзянь у 2020 годзе. Пра гэта ў аўторак заявіў старшыня 43-й сесіі Камітэта Сусветнай спадчыны Абульфас Гараеў.
Акрамя таго, намеснік міністра адукацыі КНР Цянь Сюецзюнь быў абраны старшынёй 44-й сесіі Камітэта Сусветнай спадчыны.
Выступаючы з прамовай, Цянь Сюецзюнь адзначыў, што Кітай будзе прыкладаць усе намаганні з Цэнтрам сусветнай спадчыны для паспяховага правядзення сесіі ў наступным годзе і ўносіць свой уклад у культурныя абмены, устойлівае развіццё і будаўніцтва супольнасці з адзіным лёсам для ўсяго чалавецтва.
Нагадаем, што 43-я сесія Камітэта Сусветнай спадчыны ЮНЕСКА праходзіць з 30 чэрвеня па 10 ліпеня ў азербайджанскай сталіцы. У ёй бяруць удзел больш за 2500 прадстаўнікоў са 180 краін.