На праграму аднаўлення лясоў і травяністага покрыва на ворных угоддзях, старт якой быў дадзены ў 1999 годзе, Кітай выдаткаваў звыш 500 млрд. юаняў, у выніку чаго створана больш за 33 млн га новых лясных і лугавых угоддзяў. Пра гэта распавёў кіраўнік цэнтра па справах аднаўлення ворных зямель Дзяржупраўлення лясной і стэпавай гаспадаркі Кітая Чжоу Хуншэн.
Ён адзначыў, што рэалізацыя праграмы паскарае працэс азелянення ў краіне, у выніку плошча лясоў павялічылася ў сярэднім на 4%. Паводле яго слоў, 32 млн сялянскіх падворкаў атрымалі матэрыяльную дапамогу за вывад з абароту ворных зямель -- 9800 юаняў на падворак. Апроч таго, праграма спрыяла структурнай перабудове вытворчасцi ў вёсцы і фармаванню галін экалагічнай эканомікі.
Чжоу Хуншэн таксама звярнуў увагу на тое, што Кітай будзе і далей пашыраць праграму: у прыватнасці, за кошт уключэння ў яе ворных зямель, якімі валодаюць дзяржаўныя лесанарыхтоўчыя раёны і прыродныя запаведнікі. - Р -