У самай глыбокай у свеце падземнай лабараторыі ў правінцыі Сычуань на паўднёвым захадзе Кітая на днях пачаліся работы па будаўніцтве новага аб'екта для даследаванняў у галіне фізікі, паведамілі ў лабараторыі.
Аб'ект уключаны ў спіс асноўных навукова-даследчых інфраструктурных праектаў краіны ў перыяд 13 - й пяцігодкі /2016-2020 гг./. Ён накіраваны на правядзенне перадавых даследаванняў у галіне фізікі элементарных часціц і іншых галінах.
Лабараторыя пад назвай CJPL / China Jinping Underground Laboratory / на глыбіні 2400 метраў была здадзена ў эксплуатацыю ў 2010 годзе. Затым у 2014 годзе лабараторная прастора пашырылася ад 4 тыс. да 300 тыс. кубаметраў.
Шэраг вядучых кітайскіх ВНУ, уключаючы ўніверсітэт Цінхуа, пачалі праводзіць серыі эксперыментаў па выяўленні цёмнай матэрыі ў лабараторыі.