Кітай прыме ўсе неабходныя меры для абароны законных правоў і інтарэсаў сваіх кампаній - прадстаўнік МЗС КНР
  2019-08-09 16:03:46  cri  [  Паслаць сябру ] [  Раздрукаваць ]    [ шрыфт : A A A ]  

Кітай цвёрда падтрымлівае адпаведныя кітайскія кампаніі ў прыняцці імі прававых мер па абароне сваіх законных правоў і інтарэсаў, а таксама працягне прымаць усе неабходныя меры для рашучай абароны іх правоў. Пра гэта паведаміла сёння афіцыйны прадстаўнік МЗС КНР Хуа Чуньін.

Паводле паведамленняў, Адміністрацыя агульных службаў ЗША напярэдадні выдала часовую пастанову, якая забараняе федэральным агенцтвам у адпаведнасці з палажэннямі Закона аб асігнаваннях на нацыянальную абарону на 2019 фінансавы год закупляць тэлекамунікацыйнае абсталяванне і паслугі ў 5 кітайскіх кампаній, уключаючы Huawei.

Хуа Чуньін, адказваючы на адпаведнае пытанне, выказала вялікае незадавальненне і рашучы пратэст супраць такой практыкі ЗША па прыняцці дыскрымінацыйных і несправядлівых мер у дачыненні да канкрэтных кітайскіх кампаній, заснаваных на негатыўных у адносінах да Кітаю ўмовах Закона аб асігнаваннях на нацыянальную абарону на 2019 фінансавы год.

"Нам вядома, што адпаведныя кітайскія кампаніі ўжо прынялі прававыя меры ў ЗША", - сказала Хуа Чуньін.

Паводле яе слоў, злоўжываючы дзяржаўнай уладай, ЗША наўмысна дыскрэдытуюць і душаць канкрэтныя кітайскія прадпрыемствы, наносяць сур'ёзную шкоду іх іміджу і інтарэсам, а таксама моцна падрываюць глабальны вытворчы ланцужок і ланцужок паставак.

Дыпламат таксама дадала, што гэта было і будзе і далей выклікаць шырокі пратэст і супраціўленне сярод краін па ўсім свеце.

"Мы заклікаем ЗША адмовіцца ад ментальнасці часоў "халоднай вайны" і "гульні з нулявой сумай", перастаць палітызаваць праблемы гандлю, спыніць неабгрунтаванае падаўленне кітайскіх прадпрыемстваў і прыкласці больш намаганняў да садзейнічання здароваму і ўстойліваму развіццю кітайска-амерыканскага гандлёвага супрацоўніцтва", - адзначыла Хуа Чуньін.

каменціраваць
Міністэрства абароны Кітая правяло ўрачысты прыём з нагоды 92-й гадавіны НВАК
фотаздымкі
© China Radio International.CRI. All Rights Reserved.
16A Shijingshan Road, Beijing, China. 100040