Бунтаўшчыкі ў розных раёнах Сянгана ўвечары кідалі "кактэйлі Молатава" у сянганскіх паліцэйскіх, адзін супрацоўнік праваахоўных органаў сур'ёзна паранены.
Нягледзячы на апавяшчэнне паліцыі аб пярэчанні, некаторыя дэманстранты ў многіх раёнах Сянгана па-ранейшаму выйшлі на вуліцы. Бунтаўшчыкі, якія знаходзіліся сярод іх, ля паліцэйскіх участкаў у раёнах Чаншавань, Цзяньшацзюй і галоўнага паліцэйскага ўпраўлення ў раёне Ваньцзай кідалі ў паліцэйскіх "кактэйлі Молатава", а таксама асвятлялі іх моцным светлавым промнем. Адзін з вартавых парадку, які нёс службу ў раёне Цзяньшацзюй, атрымаў апёкі абедзвюх ног пасля таго, як бунтаўшчыкі кінулі ў яго "кактэйль Молатава" - дзесяць працэнтаў левай нагі пакрыў апёк другой ступені, на правай назе апёк першай ступені пакрыў тры працэнты.
Кіраўнік паліцэйскага ўпраўлення САР Сянган Лу Вэйцун пасля агляду пацярпелага заявіў, што вельмі хвалюецца за сваіх калегаў, якія на службе атрымліваюць такія сур'ёзныя траўмы, а таксама вельмі абураны і рэзка асуджае гвалтоўныя дзеянні бунтаўшчыкоў, якія не прымаюць у разлік бяспеку іншых людзей. Паліцыя будзе расследаваць усе гвалтоўныя дзеянні, якія прыводзяць да траўміравання і нават пагражаюць жыццю і бяспецы іншых людзей.