Паліцыя Сянгана сёння паведаміла аб затрыманні пяці чалавек, якія ўдзельнічалі ў незаконным сходзе на тэрыторыі міжнароднага аэрапорта Сянгана. Пратэстоўцы наладзілі незаконны сход у аэрапорце вечарам 13 жніўня. Два жыхары мацерыковай часткі Кітая падвергліся нападу і ўтрымліваліся.

Затрымана пяцёра маладых мужчын, двое з іх падазраюцца ў нападзе на супрацоўнікаў паліцыі і захоўванні наступальнай зброі. Як паведаміў намеснік начальніка ўпраўлення паліцыі Сянгана Май Чжаньхаа, радыкалы здзейснілі серыю экстрэмісцкіх дзеянняў у аэрапорце, уключаючы напады, стварэнне перашкодаў аказанню экстраннай дапамогі, адштурхванне пасажыраў, чым праявілі непавагу да чалавечага жыцця. Адміністрацыя аэрапорта дамаглася вынясення часовай судовай забароны на незаконнае і наўмыснае стварэнне перашкодаў выкарыстанню аэрапорта па яго прамым прызначэнні. Ён таксама дадаў, што любое парушэнне часовай забароны будзе разглядацца як непавага судовага рашэння, і паліцыя пры неабходнасці будзе дзейнічаць сумесна з адміністрацыяй аэрапорта і судовымі прыставамі, каб забяспечыць захаванне часовай забароны. - Р -