Згодна з планам, на працягу 2019 года Кітай пабудуе больш за 50 тыс. базавых станцый 5G у 50 гарадах, паведаміў кіраўнік аддзела інфармацыі і сувязі Міністэрства прамысловасці і інфарматызацыі КНР Хань Ся ў аўторак на Кітайскай міжнароднай выставе інтэлектуальнай індустрыі-2019, якая праходзіла ў горадзе Чунцін (Паўднёва-Заходні Кітай). 6 чэрвеня названае міністэрства выдала ліцэнзіі на камерцыйнае выкарыстанне тэхналогіі 5G тэлекамунікацыйным кампаніям China Telecom, China Mobile, China Unicom, і тэлерадыёвяшчальнай кампаніі China Broadcasting Network, што сведчыць аб пачатку новай эпохі ў кітайскай тэлекамунікацыйнай індустрыі.
Па словах Хань Ся, па стане на канец ліпеня гэтага года міністэрствам у агульнай колькасці было выдадзена 7 дазволаў на доступ абсталявання 5G да сеткі. У далейшым Кітай паскорыць будаўніцтва сеткі 5G, прыкладзе намаганні да развіцця галін і прадпрыемстваў, звязаных з тэхналогіяй 5G.