Ваенна-паветраныя сілы / ВПС / Кітая выпусцілі ў аўторак натхняльны відэакліп, у якім быў упершыню прадстаўлены строй з сямі знішчальнікаў-невідзімак J-20.
Як паведамляецца, відэа дэманструе тое, як пілоты ВПС Кітая ў новую эпоху цвёрда памятаюць сваё першапачатковае памкненне і місію.
У відэароліку паказана, як запрошаныя ветэраны старэйшыя за 85 гадоў і маладыя людзі аглядаюць знішчальнікі ВПС, ацэньваючы новыя дасягненні ва ўмацаванні моцы краіны і арміі.
Падчас відэа, якое доўжыцца больш за чатыры хвіліны, гучыць папулярная ў Кітаі песня "Я і мая Радзіма", выкананая на старажытным струнным шчыпковым музычным інструменце пад назвай кунхоу.
Кітайскі знішчальнік сярэдняга і далёкага радыюса дзеяння чацвёртага пакалення J-20 паступіў на ўзбраенне ВПС краіны ў 2018 годзе.
Сёлета адзначаецца 70-годдзе ўтварэння КНР і ВПС Народна-вызваленчай арміі Кітая.