4-я ЭКСПА Кітая і арабскіх краін адкрылася ў чацвер у горадзе Іньчуань, адміністрацыйным цэнтры Нінся-Хуэйскага аўтаномнага раёна (Паўночна-Заходні Кітай).
У рамках чатырохдзённага мерапрыемства будуць праведзены гандлёвыя кірмашы і форумы, прысвечаныя інфраструктуры, праекту "Інтэрнэт плюс ахова здароўя", высокім тэхналогіям, сучаснай сельскай гаспадарцы, лагістыцы, турызму, лічбавай эканоміцы і індустрыяльнаму супрацоўніцтву.
Як паведаміў арганізатар ЭКСПА, у мерапрыемстве гэтага года, сумесна арганізаваным Міністэрствам камерцыі КНР, Кітайскім камітэтам садзейнічання развіццю міжнароднага гандлю і ўрадам Нінся-Хуэйскага аўтаномнага раёна, прымаюць удзел каля 12600 прадстаўнікоў з 2900 рэгіянальных арганізацый, гандлёвых палат, асацыяцый і прадпрыемстваў з 89 краін.