«Пазнай Беларусь: ад адукацыі да культуры» кітайскія студэнты ўдзельнічаюць у адукацыйным праекце ў Беларусі
  2019-09-10 17:32:31  cri  [  Паслаць сябру ] [  Раздрукаваць ]    [ шрыфт : A A A ]  

Педагагічны ўніверсітэт імя Максіма Танка ў Мінску прымае ў сваіх сценах 16 кітайскіх студэнтаў і выкладчыкаў з цэнтраў вывучэння Беларусі ў Кітаі. Наперадзе ва ўдзельнікаў праекта – спасціжэнне і пагружэнне ў беларускую культуру, падарожжа па прыгожых і гістарычных мясцінах, знаёмства са спартыўным жыццём Беларусі. Многія маладыя людзі запісаліся на ўдзел у Мінскім паўмарафоне. Аднак галоўнае – адукацыйная праграма і вывучэнне беларускай мовы.

Такое супрацоўніцтва стала магчымым, дзякуючы Пасольству Рэспублікі Беларусь у КНР, Міністэрству адукацыі Рэспублікі Беларусь і Беларускаму дзяржаўнаму педагагічнаму ўніверсітэту.

З 8 па 17 верасня 2019 міжнародны адукацыйны праект «Пазнай Беларусь: ад адукацыі да культуры» дапаможа ўдзельнікам з Кітая адчуць атмасферу краіны, спасцігнуць вытокі яе культуры і мовы. За дзесяць дзён госці азнаёмяцца з сістэмай вышэйшай адукацыі краіны, падчас адукацыйнай майстэрні вывучаць асновы беларускай мовы.

Гэты праект праводзіцца ў Год адукацыі Беларусі ў Кітаі, якім аб'яўлены 2019. Мэта — наладжванне прамых кантактаў паміж універсітэтамі дзвюх краін, развіццё супрацоўніцтва ў галіне адукацыі і навуковых даследаванняў, стварэнне цэнтраў вывучэння Беларусі і ўвядзенне спецыяльнасці «беларуская мова» ў вышэйшых навучальных установах Кітая, садзейнічанне акадэмічнай мабільнасці, умацаванне ўзаемаразумення і традыцыйнай дружбы паміж народамі абедзвюх краін.

каменціраваць
Міністэрства абароны Кітая правяло ўрачысты прыём з нагоды 92-й гадавіны НВАК
фотаздымкі
© China Radio International.CRI. All Rights Reserved.
16A Shijingshan Road, Beijing, China. 100040