63-я сесія Генеральнай канферэнцыі МАГАТЭ адкрылася ў Вене. Намеснік кіраўніка Нацыянальнага агенцтва КНР па атамнай энергіі Чжан Цзяньхуа прыняў удзел у пасяджэнні і распавёў прысутным пра развіццё ядзернай энергетыкі і забеспячэнне ядзернай бяспекі ў Кітаі.
Чжан Цзяньхуа заявіў, што галіна ядзернай энергетыкі ў Кітаі захоўвае высокія тэмпы развіцця. У краіне ўведзена ў эксплуатацыю 47 ядзерных рэактараў, яшчэ 11 знаходзяцца ў стадыі будаўніцтва. У Кітаі паспяхова ідзе будаўніцтва праектаў з выкарыстаннем тэхналогіі рэактараў трэцяга пакалення кітайскай распрацоўкі "Хуалун-1" і дэманстрацыйных праектаў высакатэмпературнага рэактара з газавым астуджэннем, бесперапынна расце маштаб прымянення ядзерных тэхналогій.
Чжан Цзяньхуа падкрэсліў, што ўрад Кітая з вялікай увагай ставіцца да пытанняў ядзернай бяспекі. У верасні бягучага года Кітай выпусціў мемарандум "Ядзерная бяспека ў Кітаі", у якім даў усебаковае апісанне базавых прынцыпаў і палітычнай пазіцыі па пытаннях ядзернай бяспекі, прынятых у Кітаі. - Р -