Урачыстая цырымонія пачатку вяшчання сельскагаспадарчага канала на Цэнтральным тэлебачанні Кітая, які належыць дзяржаўнай медыя-групе China Media Group, адбылася сёння ў кітайскай сталіцы. Член Палітбюро ЦК КПК, начальнік аддзела прапаганды ЦК КПК Хуан Куньмін прыняў удзел у мерапрыемстве і выступіў з прамовай.

Падчас свайго выступлення Хуан Куньмін падкрэсліў неабходнасць добрасумленнага вывучэння і ажыццяўлення важных указанняў і ідэй генеральнага сакратара ЦК КПК Сі Цзіньпіна. Узяўшы афіцыйнае адкрыццё канала ў якасці кропкі адліку, варта накіраваць голас партыі ў шырокія вёскі, эфектыўна служыць на карысць вытворчасці і жыцця сялянскіх мас, энергічна прасоўваць палітыку інтэнсіўнай ліквідацыі беднасці і стратэгію адраджэння вёсак, а таксама зрабіць сельскагаспадарчы канал асаблівым і падняць яго ўзровень.

Хуан Куньмін таксама адзначыў, што генеральны сакратар ЦК КПК Сі Цзіньпін выказаў асобнае віншаванне з пачаткам вяшчання сельскагаспадарчага канала на Цэнтральным тэлебачанні Кітая медыя-групы China Media Group, глыбока растлумачыў велізарнае значэнне яго адкрыцця, прадставіў стратэгію і даў распараджэнні ў дачыненні да рэалізацыі работ у сельскай гаспадарцы, на сяле і сярод сялянства, высунуў выразныя патрабаванні да прапаганды ўказаных работ, што ў поўнай меры раскрыла павышаную ўвагу ЦК КПК да гэтага накірунку і цёплы клопат пра шматлікіх сялян і перадавых работніках ўсёй краіны, занятых у гэтай сферы.