Лі Чжаньшу адзначыў, што кітайска-пакістанскія адносіны не толькі адпавядаюць карэнным інтарэсам дзвюх краін, але і садзейнічаюць міжнароднаму і рэгіянальнаму міру і стабільнасці. Паводле яго слоў, развіццё адносін з Пакістанам з'яўляецца прыярытэтным напрамкам кітайскай дыпламатыі, і Кітай няўхільна падтрымлівае намаганні Пакістана па прасоўванні нацыянальнага будаўніцтва.
Лі Чжаньшу сказаў, што УСНП гатова прыкладаць сумесныя намаганні з пакістанскім парламентам для таго, каб на ўсіх узроўнях узмацняць дружалюбныя абмены, вучыцца адзін у аднаго, ствараць спрыяльныя прававыя ўмовы для будаўніцтва "Пояса і шляху", а таксама аказваць сур'ёзную падтрымку фарміраванню больш цеснай кітайска-пакістанскай супольнасці з адзіным лёсам.
Імра Хан, у сваю чаргу, павіншаваў з 70-й гадавінай утварэння Кітайскай Народнай Рэспублікі і заявіў, што Пакістан гатовы працаваць з Кітаем для прасоўвання будаўніцтва Кітайска-пакістанскага эканамічнага калідора ў рамках "Пояса і шляху".